KITNDA

一直都對畫油畫好有興趣，但又覺得材料好貴，參加 Art Jamming 都唔平得去邊…到上兩個禮拜同老婆終於都忍唔住去左買畫具，買最平的油、筆、畫布，試下畫完第一次有無興趣先…終果係好有興趣！去買第二塊畫布聽朋友建議買大塊少少 (22.5 x 30 cm) ，的確易控制好多。

畫之前諗左好耐究竟畫乜好，由於只係第二次畫，所以唔敢挑戰太複雜的構圖，最後選定畫南瓜王 Jack Skeleton ！我最喜愛的角色之一，應該不會失手吧 (笑) 。

之前睇左好多個網站都話油畫要由深到淺，即管試試先黑後白，的確比第一次亂畫時好得多！畫到中途時有諗過係咪可以唔駛油白色呢？白底油白色好似好無謂咁……但諗到個身都要油白色，如果塊面唔油咪好怪？最後都有油埋，好彩都有油埋，雖然個身唔夠白 XPPPP 。

第一次畫既油畫……粉紅色的 Bear Bear ，畫果時完全唔知點落手好，無睇網無睇圖，純粹靠想像，又油得好鬼厚，好怪好核突…不過真係好好玩 (笑) 。