甘味讚岐手打烏冬
每次去葵芳都見到呢間舖排晒長龍，星期日睇完早場就走過去食，坐唔夠三個字出面就已經排晒隊，好旺場下。
兩人分別食吉列豬扒烏冬同照燒雞扒烏冬。先講烏冬，個人認為軟硬適中，唔太實，加埋個清湯真係好好味。吉豬其實無咩特別，但食過博多之後再食吉豬，呢塊野真係好食多多聲，炸粉適中唔太豬，豬肉唔硬一咬就開，最重要係呢塊吉豬真係熱架！最後照雞就真係一絕，雞皮超級脆卜卜，雞肉唔太實，加埋照燒汁真係好好食 a.a 。兩個人兩份烏冬兩杯凍飲加埋七十幾，抵食，不妨一試 a.a 。
食完先聽到原來有得加底，加底十蚊，食前知道有得加底既話我實加。
甘味讚岐手打烏冬
葵涌葵芳興芳路223號新都會廣場3樓393至394號舖
Openrice: http://www.openrice.com/restaurant/sr2.htm?shopid=13351
