平價超順扭計骰
近日扭計骰好似大熱,好多舖頭都有賣扭計骰,有見及此,小弟就介紹一下近日發現的平價超順扭計骰。
超順平價扭計骰分為筒型錢箱包裝及吸塑包裝,說明書上有小丑公仔,非常易認,骰仔上面既顏色係噴上去既,所以唔會咁易脫色,買時記得睇清楚 d 色係咪噴上去。除左 3 x 3 x 3 既骰仔,仲有 2 x 2 x 2 扭計骰 (後補圖) 。一般售價為港幣 18 元至 20 元,好多文具玩具店有售,唔好俾旺角 d 格仔舖昆丫!格仔舖賣成 30 至 40 蚊一粒架!
新買既骰仔好難扭,一隻手指用盡力都轉唔順。調整手術開始!將骰仔頂層轉 45 度,再用螺絲起子小心起出邊塊後,再把扭計骰拆散。
中間的顏色塊其實是一塊蓋,可以用螺絲起子把蓋起出,起出蓋一次後,往後只要用手指就能開蓋,不用拆骰。
起蓋後就開始用螺絲起子調整鬆緊,大約由上圖鬆到下圖就可以了。
調整後就砌返好粒骰,先砌好低層邊塊,再砌低層角塊中層邊塊。
砌頂層時要先把一邊向下轉少少,放入邊塊時就會方便好多。
把頂層轉 45 度,再把最後的邊塊層進去就 ok 。
砌好!上潤滑油,好似下圖咁上油,唔駛上太多,用碧麗珠噴少少就 ok ,千祈唔好用 wd40 。上完油再轉下佢,覺得太鬆就校返緊少少,太緊就鬆返 d ,自己覺得 ok 就好。