GBC 近況
幾日假期，差唔多大部份時間都花係 PSP GBC 上，頹爆 = = 。經過差唔多四十個鐘既努力，七個勢力終於爆晒，家下差全 S 就真真正正搞掂成隻 GAME 。
玩左咁耐，用得最多既係 Z 、卡碧尼同 THE-O ， NU 果 D 勁機唔係唔好用，但用佢地就同 S 無緣， MS 倍率太低，得 1.11 左右，就算唔扣一滴向，評分多數都係得 A 。
講返少少心得，個人認為強化機體時，重點強化主射擊武器所有項目，同埋強化和 super 有關的武器攻擊力，格鬥類既 super 只要加強攻擊力就好，唔駛加準確度。其次係強化機動性既機動性，至於防禦、 HP ，應付到既話，加唔加都無所謂，當然初期比較難打，加多 D 都應該既，不過後期就真係好少用到，因為勁敵出現都唔會超過一秒就會俾 super 打死。
另外，你既隊友用咩機都好，都唔會影響到你既倍率，所以有咩勁機就俾隊友用啦 XDDD 。
而家為拎 S 而常用既卡碧尼，強化左 20409 / 54403 pt ， MS 倍率有 1.25 。
機體強化左四種，包括 HP 4100 、實彈防 40 、激光防 40 、旋回速度 25 。
武器 BEAM GUN 就威力 1200 、命中率 90 、彈數 99 。
武器 FUNNEL 就威力 264 、命中率 88 。
我覺得已經好夠用，足夠我拎 S / SS 。
