瘀爆三人組

話說小弟星期六去左 mega box 逛逛，離開時排隊等專車，職員就數人數分流，當最後只剩三個單丁位時，見到三位一體既三人組望左兩望就落車諗住等下一架，點知職員就大大聲講「仲有三個位 wo …」，三人組就黑住面咁走返上車，係現場睇真係笑死 XDDDD 。

記得以前試過一次行商場，前面一對男女阻晒成條路，我地行後面諗住行過去啦，點知前面呢對分開一陣會死既情侶死都唔讓路，死命咁阻住條路 lor ，我女友仲聽佢地話「唔駛讓路啦，係人都咁行」之類既說話添，哇…自私都咁丫！讓條路，分開一陣會死架咩？