[食] 寶太郎
前排終於再到樂富既寶太郎食野，五十零蚊一個晚餐，價錢 ok ，食物 ok ，只係侍應態度比較差，你見過 d 侍應掛住吹水，叫你自己搵位未丫？ kakakak 。因為 d 食物，我會再去食，希望下次 d 侍應態度會好 d ，唔好掛住吹水唔理 d 客就好。
地址：黃大仙聯合道 100 號樂富中心 1 期地下 G04
http://www.openrice.com/big5/sr2.htm?shopid=17634
公司網址：http://baltic.silver.yp.com.hk/
前菜有沙律同…海草？唔記得咩名…
正餐係咖哩蠔x同咖哩三文魚，唔知係咪 d 蠔x有問題，我同女友食完都肚痛…d 咖哩真係好香，今次食辣咖哩，都幾辣，食唔到辣既最好唔好要辣。
食食下突然有碟雞軟骨，由於第一次食套餐唔知係咪有小食，唔理三七廿一食埋佢，食食下有侍應走埋黎同我地講上錯台，送俾我地咁話，點知最後埋單時計埋，因為果度太凍，同埋侍應 d 態度太差，懶得理論，十八蚊我豪俾你。
乳酸飲品，巨峰好似香口膠，下次唔好飲巨峰 >< 。
甜品，椰子味雪糕，好凍，但可惜無得揀其他味，唉…
