西遊降魔錄
西遊降魔錄 ，一九八八年出品，以西遊記做背景既經典遊戲，三幕共五關，每關都係由塔底打到上塔頂打 boss ，有孫悟空、豬八戒同沙僧揀黎用，三個攻擊方式一樣，但使用道具既方法唔同，設計雖然簡單，但好鬼難玩。我自己就鐘意揀沙僧用，因為真係好用同靚仔好多 a.a 。
近日再一次重溫這個遊戲，的確好難玩，記得以前細個去機舖都必玩呢隻 GAME ，在阿哥既幫忙下應該可以去到四、五關都未死晒，但近日玩返，第二關就要續關，點解以前好似覺得咁易玩咁既？唔通係我老左，手指仔無以前咁靈活？睇黎九成係咁 XDDD 。
—————————————-
揀人畫面，三個都好醜樣 a.a 。
印象最深刻既入城畫面，被選角色會入城，其他人會揮手架 XDDD 。
第一幕分兩關，第二關個大佬難打到痺，兩刀就死。
第二幕分兩關，第一關係打悟空，鬼死咁難打，兩棍就會死。
最終幕一關過，一開頭就要打幾隻小大佬，企邊都死，之後打果隻千手就易好多，有不死位。
最 PK 係千手爆頭後果個腦，打腦出腦漿，中腦漿就一下死，死十幾隻先打得死個腦。
取經爆機！菩薩出現………汗。
其他圖片
以下係一段打最終 boss 既片，係 youtube 搵到。
但可惜用左 cheat code ，打不死，睇唔到這個遊戲究竟有幾易死 >< 。
(from youtube)