KITNDA

每年必有的創作地帶 (有冇記錯係創作地帶？) ，一眾香港漫畫家、造形師造的展品，入面有好多好特別的 figure ，好值得去駐足，但太多人啦，駐足會帶來不便，最後只能匆匆影相走人，未有時間睇介紹，抱歉，當中我最喜歡這個老夫子，真係好得意，勾起唔少兒時回憶。

原本唔想入去 Lego 展區的，因為每年入去都唔會買野，而且排隊時間比較耐，所以今年諗住唔入，點知路過望一望，咦咦！見到傑他他嬸嬸既作品，為表支持，入去影返幾張相先 XDDD ，唔睇唔覺，原來實物好大隻呢。

最後就係今年既戰利品，玩具數盒，右邊四盒高達只需廿蚊，抵到爛！左邊那盒係彩的新產品，用球形關節做的人形，唔係好識形容，一套三種，買這個時好好彩，因為不能揀款，要買齊三款就要 box set 咁買，幸運地有位好人大大出手相助合資買 box set ，每人要三盒，感謝非常 m(_ _)m 。