KITNDA

之前一次講以前所謂得獎既閱讀報告，不過已經過左咁多年，已經唔記得實際個樣係點，大約就好似上圖咁，不過時間所限畫得好細張 XDD 。

記得果時做呢本閱讀報告時，應該係升中三時做的，唔係好記得，最記得係個內容就一定九流，不過個封面就花左成個暑假去做，當時做封面既工具係用大量顏色畫紙、膠水、剪刀，將封面上面每一個人逐一用畫紙砌出黎，每個人都有頭髮、頭、衫、褲或裙、一對手臂、腳同埋鞋，有男有女，雖然每個人既外形一樣，但每個人既衫衫都係用唔同既色紙去做，而且全部人都只係將對腳貼係封面上面，每個人都可以站起來的，當時完成個封面時真係覺得自己好利害，懶溫書懶讀書既我，竟然可以咁有心機去做個封面…

記得中四果年學校開放日，我當時要到 bio room 幫忙，到開放日完結前，有同學話我知中文科既 show room 內有我以前既閱讀報告，好似話係得左咩咩獎咁，仲聽到中四既班主任好疑惑咁問另一個老師係咪真係我做咁，因為當時我真係好懶散，俾人既感謝係唔會咁有心機去做一個咁複雜既封面。原本好想去睇下係咪真係有，但可惜已經無時間 = = 。

不過講真，始終最可惜係當時無相機，無得影低當時既完成品，遲下等學校開放日，又或者有一日返學校探老師時，試下問下有冇機會影返低以前既功課先！再遲下有時間，我會用紙做返以前個公仔出黎，不過要真係得閑先得。