等車如同等死
現居荃灣， 步行返工路程四個字，步行回家路程五個字左右，由於近期返夜晚，放工時已接近凌晨十二時，所以近日放工都會坐小巴回家，因為坐小巴一個字左右就返到屋企。
話說傻人星期一晚遲左少少放工，諗住去坐小巴返屋企啦，去到小巴站時已經十一點五十六分，諗住一、兩個字左右就應該有車到，點知等下等下就四個字都無車，有冇搞錯！記得之前個小巴司機話一點半接更架嘛，做咩等咁耐都無車到…
望多兩望發現唔多對路就走左去坐巴士，去到見到架巴士係站頭，諗住等幾分鐘就開尾二果班車啦，點知一等就等到十二點四十分先開最尾一班車…
只不過短短步行四、五個字既路程，等下等下搞到成個鐘先返到屋企，唉 = = 。