畫公仔
我幾位阿哥畫畫都好叻，由細睇佢地畫公仔畫到大，所以自己本身都好鐘意畫，亦都好羨慕果 d 畫公仔畫得靚既人，好希望能從中學習，但可惜我就無咩天份，一直都畫得唔靚，一直都捉唔到比例，所以就近年最多係電腦度點下 pixel 、用 mouse 係 blog 度畫下 d 公仔咁，已經好少用紙筆黎畫公仔。
記得以前上 art 堂，每次都好有用心咁去聽去學，但好多時都唔明，唯一叫做好少少既，唔係畫畫，而係做下 d 手作仔，不過咁耐都係得兩件功課俾人讚過。其中一件係做一個錶盒，果時我就做左個西式棺材來放錶；而另一件就係中文課既閱讀報告，果時讀果本書叫《同行人生路》，我用紙做左好多個人仔，最後好似拎左個封面獎之類，之但係我係係兩年定三年後先知我得獎。講開又講，唔知學校仲有冇儲起我個盒呢？
講返畫畫，我記得 art 堂我 d 畫一直都係得個 C ，中一時好想係中四讀 ART ，但可惜一直都無天份，所以就有所卻步，一直都係求求其其是是但但咁畫下算，雖然果時係課本畫公仔時都有人話得意、靚等等，不過我明架，有 d 人只係講客套話，點都好，多謝過去讚過我既人 m(_ _)m 。
25/7 按：其實之前未打完的，只係唔得閑出左先。我明白畫畫靚唔靚係靠努力得來，而唔係一切靠天份，所以畫畫一直畫得唔好，係自己唔努力，這個我是很清楚的。