廣東話？書面語？
剛剛睇到個留言，有位 Blog 友話睇唔明廣東話，咁我就開始諗，寫 blog 應該用書面語去寫丫？定係廣東話去寫呢？
我覺得用廣東話比較親切 d ，始終係香港人，寫廣東話易好多，同埋以傻人既能力，寫書面語可以話好鬼死難，以前有試過用書面少少既方式去寫日記、 blog ，但可惜好多字眼都諗唔到點寫，好多野都唔識去形容，所以最後都係用返廣東話去寫。
簡單黎講，就係廣東話易寫，但同時又想所有人睇得明，好鬼自相矛盾，唉…
不過講真果句，記得以前初初寫網頁時，都係用書面少少既中文去寫， 已經唔記得幾時開始用廣東話。
—————————————-
剛剛看到一個留言，有位 blog 友說看不懂 blog 中的廣東話，那我就想，應該用書面語還是廣東話去寫 blog 。
我覺得用廣東話寫 blog 比較親切，始終是香港人，廣東話是母語，寫廣東話比較容易些，而且以傻人的能力，寫書面話就等同叫我去死，以前有試過用較書面的方式去寫日記、 blog ，但可惜很多字眼也想不到該怎樣寫，很多事也不懂得用較書面的字詞去形容，所以最後都用回廣東話。
簡單來說，就是用廣東話容易寫，但同時又想所有人看得懂，有點自相矛盾，唉…
不過說真的，記得以前初初寫網頁時，都是用較書面的中文去寫內容，已經忘記從何時開始習慣用廣東話寫。