KITNDA

廿九號和女友到了迪迪尼，晨咁早九點半去到等十點開門，人流唔算多。
入到去就搵機動遊戲玩，好開心唔駛排隊，玩巴斯光年星際歷險，女友仲拎到七十幾萬分！好勁。
除左少量 show 未睇，基本上頭兩個鐘已經行完個迪迪尼……
為左等煙花，有 d 機動遊戲仲玩幾次，仲睇晒所有 show 添，
除左太空飛碟、旋轉杯、木馬、小飛象、泰山屋無意欲去玩，其他都玩晒。
By the way ，座城堡真係好微型呢……

樂園講真真係幾細，無咩玩無咩睇，但最慘係……無野食。
基本上全部食肆同一價值，四十五蚊一個包 / 一個麵 / 一碗飯，好貴…
最後我地兩個係一人一包爆谷，十五蚊一包好頂胃，頂到七點煙花後出去搵野食。
講起煙花，最可惜今次無去前面睇，煙花要係城堡前睇先係最好睇架。

噴水池邊的唐老鴨，做得好靚。商店旁的唐老鴨場景都好正！

聖誕樹，日間和亮燈後，亮燈時仲會落「雪」添！

見到好可愛好可愛既 jack 公仔，不過要五十蚊一隻，唔捨得買。