KITNDA

25 同 26 號過左澳門，第二次到澳門，今次共六個人去，難得一次能夠成行。

[首日]

一早六點九起身準備，近九點到港澳碼頭，其中兩人要下午才到，故四人先行前往。
到了澳門， Kenny 有工作在身要先離開，我及女友和 Sandy (有冇串錯？) 分開兩批行。

為怕和其後的行程撞地點，故沒有走到旅遊點，原想先到八佰伴，點知十一點先開門…
路經金蓮花後到了澳門回歸賀禮陳列館，有好多賀禮，比起其他，香港的好像比較遜色……
館內還有饒宗頤九十華誕荷花特展。

看過陳列館後便回到八佰伴，中途要到旅遊活動中心避雨。
在八佰伴頂層過飯後去搵 Kenny ，點知 Ryan 仲未到……

於是一行四人走到旅遊活動中心中的大賽車博物館， D 車好正。
中途 Ryan 來電，終於到澳門，接 Ryan 一對後回到博物館，參觀對面的葡萄酒博物館。

參觀博物館後就走到漁人碼頭外頭走走，的確…無野睇。
正等的士離開時剛巧看到火山噴火，好大火好大火呀！

抵達新世紀酒店，裝修的確幾特別。
回到房間，放下包袱後，就走到地堡街的小飛象吃晚飯。
唔記得食左幾錢，都幾好食，算好味。

食飽後回到酒店，沖涼後睇下電視聽下收音機後就訓左。
中途想飲水，但電熱水瓶的水完全要不得，最後無用兼無飲。

[次日]

十一點半起行，其實都算遲 XDD 。
第一站地點議事亭前地，到了一間叫餃餃鎮吃。
都幾好味，當作一個早餐的話算不錯。

接著到了大三巴、大炮台，但可惜大三巴維修，澳門博物館裝修…
再接著到了禮記雪糕吃雪糕磚，可惜無朱古力味，要了咖啡味， Ryan 要了士多啤利。

食完雪糕終於到了旅遊塔，的確比夜間好看多了。

睇完塔，行過美食節，又回到前地，走到順德魚米之家吃，條魚的確幾好味。

食完飯就坐船回港 lur ，可惜第一日行太多八佰伴。