KITNDA

肥牛雜錦火鍋 + 兩杯青檬冰 = $54
@尖沙咀海港城大家樂

全部料包括菜、超薄肥牛、瓜、麵、粟米、菇、雞肉、豬肉、丸、芝士腸、小墨魚、腐皮。
心情整度惡劣的一餐，八點半後食，個鍋實屬一般，覺得大快活仲好。
應該未數晒D料，種類多，但真係好一般。
牛丸好粉，唔好食。D菜洗得唔夠乾淨，唔好食。小墨魚好苦，唔好食。
豬骨湯無味，唔好食。青檬冰好淡，唔好飲

心情惡劣事件三部曲

[首部曲]
買野食時，見兩位員工傾計，於是我就企係收銀位前等佢招呼我。
我於是就望下個餐名，確定多一次，看到有三人正揀野食。
其中一位身穿 OL 裝的女士，揀完走過黎。
女士：「阿姐唔該要個XX鍋同XX鍋。」
(下！我排緊隊喎…)
(有冇搞錯！我企定定係收銀位都唔係排隊？)
終於到我。
我：「唔該要個鍋。」
員工：「好，多謝你XX蚊丫。」
員工的對講機聲同時傳出：「停啦停啦！無船仔啦。」
(哇，好彩都仲有最後一個，俾人打一打尖差D無得食。)

[二部曲]
拎左煲水滾一開，正！豬骨湯 + 清水組合，沙爹不翼而飛，呵呵呵…
我：「唔該，點解我個鍋係清水既？唔見有沙爹 wo 。」
員工：「咁有冇蘿蔔？」
我：「有。」
員工：「咁咪豬骨湯 lor ，唔會有豬骨俾你架 wo 。」
我：「我知，但 d 沙爹呢？我果邊清水黎 wo 。」
員工：「哦，咁俾 d 沙爹你 lor 。」
正！原來沙爹湯底係沙爹醬加清水組成。

[三部曲]
食到無湯時叫加湯…
我：「唔該加湯。」
員工一：「好丫。阿姐加湯。」
等等等等等…
我：「唔該加湯。」
員工二：「哦，好丫。」
等等等等等…
(咦咦，員工二點解俾湯後面果位既，後面無叫加湯 wo ……)
我：「唔該……加湯丫。」
員工二 (不滿狀) ：「哦。」
等等等等…
員工二：「無晒湯啦，我拎 d 熱水俾你啦。」
我：「哦…都好啦…」
等等等等等…
(員工二拎住兩杯水黎，倒左一杯落鍋。)
員工二：「夠啦嘛？」
我女友：「嗯…」
員工二：「呢杯水俾埋你啦！」

最後，懷著整度惡劣的心情，成為大家樂關門前最後一對離開的客人。