四驅車
有個鞋盒一直放係電腦底唔知係咩，執屋時打開一睇，原來係阿哥的四驅車。細個果時好鐘意四驅車，雖然只可以直行，但已經好興奮，追住架車跑。
仲有冇人記得動畫《四驅郎》呢？唔係《四驅小子》喎！無記錯的話，《四驅小子》已經唔駛用棍去控制架車，感覺好唔真實，又無咁好睇…相反《四驅郎》雖然要用棍，但感覺上刺激好多，不過當時係咪咁諗就完全唔知啦 XDDD 。
大集合！其實應該仲有一批，不過放左係第二度，全部都係我哥架 XDDD 。
正常車仔，好多塵，好多車胎已經爆晒 XDD 。
細個果時好鍾意既幾架車，其中最鐘意「皇帝」，以前好似仲多配件，覺得好型仔架。
仲有四驅大腳八一架，不過條胎爆左 lur …
