KITNDA

傻人同女友到了動漫展06，兩點零到，四點零走，哇！走果時好多人入場呀！好彩早入場。今年同電玩展搞埋一齊，兩個 show 既人群同場駕到，迫到死，行既多，睇既少，買既更少，今年只買左一隻價值十二蚊既貓公仔，同幾盒 Keroro 盒旦。

第一站 Panda-z 既攤位，有人咁既 Panda-z 同埋都幾大既 Pan-Taron ，仲有大量既 figure 、盒旦類既 display 。

第二站 Bandai 別館，電車男間房，最吸引都係月面兔兵器既 figure 同海報，仲有隻近期日版 Gundam-Ace 送既馬沙雞，好正，別館門口有新出既黃金俠，好金呀！！

第三站 Bandai 既小賣部，有 Keroro 衫，但超貴…仲有即將推出既 Keroro 模型樣板睇。

第四站 Bandai 模型比賽，比較欣賞以下幾個既創意。 ( 實際無咩點睇過… )

第五站係動漫 Art Idol ，好鐘意下面三個作品。

最後一站係睇 Lego ，有小海綿 Lego 既磁石呀！仲有鎖鏈扣！不過好貴…蝙蝠俠同貓女都幾得意。

離場時巧遇新幪超一號，佢好高呀！！仲見到白兵添！！唔知係咪官方請佢地返黎既呢？？

人口湧湧的四點幾，我兩點幾入去果時唔駛排隊架！要去就請 d 去啦！