KITNDA

尋日女友生日，去左旺角漢和食韓燒，上到去諗住等卡位，點知卡位有空果時有人已經走左埋去坐底，叫我地等位果個就當無件事咁唔理我地，可惡…不過有 d 幾好味，仲發現原來肥牛原來要個鑊有焦時燒先會燒得好。

食足兩粒鐘，睇足兩粒鐘 show ，隔離台成班細路 (!?) ，睇落似中五，一黎到就叫啤酒，跟住就玩食物，煎啫厘、煎公仔面、煎豬紅、煎蟹柳、煎雞蛋、煎魚蛋等等等等。一路玩一路落油，玩完一輪就換鑊，到我走時佢地已經換左五樽酒、五個鑊，我就四分一樽酒、一個鑊，兩個人同六個人唔會差咁遠卦？走之前仲見到佢地玩火，係度玩搶火仲要火上加油，痴線！仲要成台燒焦既食物，超浪費！

終於買了 NDS Lite ，不過不是買給自己，而是買給女友的生日禮物，生日快樂呀！之前一直有消息話改機唔可以調校光暗，但拎上手玩已經覺得唔係問題，光度足以刺痛雙眼。但最可惜的，要算是放入 GBA 卡帶的位，起初以為不會突出來，等了良久才等到 SC MINI SD 既推出，但可惜，原來 GBA 卡帶係插唔盡的，一定會突出黎，所以唔好特意去買 MINI SD 啦，因為貴成倍架…

孖寶賽車內的大頭貼，畫左成個鐘…