幪超
唔知大家有冇睇過幪超呢？大家又記唔記得自己第一套睇既幪超係咩？近期入左套匠魂 7 ，特別有 feel 。
我記得我細個時最先接觸既幪超係 Black ，故事實際都唔記得幾多，但個幪超個造形真係難忘，可以話係一見鐘情，全身色既造形真係幾型仔。緊接既就係 RX ， Black 既延續，太陽之子 RX ，造形初時其實覺得幾醜，不過睇順眼又無咩…但感覺上開始依賴武器，感覺無 Black 咁好睇。在接觸過 Black 同 RX 後，開始追溯返之前既幪超，但可惜只知外形而不知內容，有機會既話，真係要搵返成套幪超睇。
近年既幪超，基本上我覺得已經脫離主線，龍騎、 555 這類，我覺得唔應該再叫幪面超人，感覺上佢地同最原本既幪面超人已經唔係同一類產物，有人話故事好睇，但如果硬係叫做幪超既話，我就覺得好失望。幪超給人的印象，最基本的，不是外表應該像昆像嗎？怎樣變出了一隻龍，以及一大張 CD …這些還算是幪超嗎？